各位市民、各位朋友，大家好!

　　新冠肺炎疫情反覆，喺過去兩個星期，本港確診個案急增數百宗，而當中大部份屬於本地感染個案。根據政府多日以嚟嘅公佈，除咗喺多個社區爆發群組感染外，亦有不少源頭不明的個案陸續出現，令疫情嘅發展同社會各界的防疫抗疫工作，變得更加多不確定性，當前嘅情況，令我哋感到非常憂慮。

　　全港社區抗疫連線喺過去半年，持續聯繫社會各界人士做好防疫抗疫工作，總結我哋過去半年努力抗疫嘅經驗，現時最緊要嘅係，社會上下齊心一致，合力從個人防護和家居衞生做起，防微杜漸，每個人都要做足自己和身邊人嘅防疫措施，例如：切記在公眾地方要帶好口罩、多留在家中，減少外出同避免出席不必要嘅聚會、如有身體不適，應盡快求醫等等，咁樣，我哋才能有效讓每一個社區與病毒絕緣，做好社區防疫。

　　自從第三波疫情爆發以來，全港社區抗疫連線馬不停蹄，先後重新啟動各項防疫抗疫工作，包括：

　　1 已經向90座出現確診個案的住宅大廈，派發口罩和酒精搓手液等應急物資，

　　2 我哋亦透過線上登記，成功聯繫200間公私營安老院舍，向他們嘅院友同職員派發30萬個口罩及600枝消毒水，

　　3 除此以外，我哋亦喺上週舉辦「全港清潔齊抗疫行動」，號召逾千名義工在全港十八區100個公眾地方和進行休憩場所進行清潔和消毒，並與各界市民共享2萬枝家用漂白水，攜手清潔抗疫。

　　4 連線嘅情緒支援熱線 6773 0564，連日來亦接獲並轉介多宗市民嘅求助個案，為有需要嘅市民進行疫境情緒輔導。有需要嘅市民可以用 Whatsapp/WeChat 直接聯絡我們的工作人

　　現時疫情在社區大爆發，源頭不明，市民都十分憂慮及關注，全港社區抗疫連線呼籲政府

　　1 應該即時堵塞防疫漏洞，例如解決核酸檢測不夠全面普及嘅問題。

　　2 就政府進一步收緊防疫措施方面，我哋認為，應實行最嚴格嘅限聚令，必要時應考慮實施居家令，以最大幅度減少人群交流聚集。

　　3 政府盡快就建立備用的醫療設施，徵求不同地區居民嘅意見，我哋亦希望特區政府在必要時請求國家協助，派出更多內地醫療機構和專家，來港支援檢測工作，以便廣泛為全體市民進行病毒檢測，找出疫情源頭嘅同時，查驗病毒是否出現變異。

　　我哋促請特區政府認真考慮我哋嘅建議，務求喺短時間內，儘速把這一輪疫情嘅火種徹底撲滅，讓市民的生活工作重回正軌。